Կառավարության նիստից հետո լրագրողների հետ ճեպազրույցում՝ ԿԳՄՍ նախարար Վահրամ Դումանյանն անդրադառնալով պետական աշխատողների պարգեւավճարներին եւ պատասխանելով հարցին՝ արդյոք դասախոս-մանկավարժական կազմը եւս պարգեւավճար ստացե՞լ է, ասաց՝ նախարարությունը մինչեւ սեպտեմբերի 21-ը եւ դրանից հետո նույն ռեժիմի մեջ է եղել՝ պարգեւավճարների առումով:
Նրա ներկայացմամբ՝ դա պարգեւավճար չէ, այլ հավելավճար կամ լրավճար։
Ճշտող հարցին՝ բոլո՞րն են ստացել պարգեւավճար, պատասխանեց՝ ոչ, չեն կարող միշտ բոլոր աշխատակիցները ստանան. «Մենք լրացուցիչ հավելավճար չենք ստացել: Այս հարցը մի շահարկեք, մի զարմացեք լրավճար ստանալու համար: Ամեն օր զարմանո՞ւմ եք, որ արեւը ծագում եւ մայր է մտնում»:
Լրագրողների կրկին ճշտմանը՝ ի վերջո դասախոսներն ու ուսուցիչները ստացե՞լ են լրավճար, Դումանյանը հստակ չպատասխանեց, տեղյակ չէր, հավելեց. «Միգուցե ինչ-որ մի բուհ իր դասախոսներին հավելավճար է տվել, փառք ու պատիվ։ Շատ հաճելի կլինի, որ միջոցներն այնքան լինեն, որ բոլոր աշխատակիցներին տան հավելավճար, լրավճար, բոլորը բավարարվածության զգացում ունենան։ Բուհերը ինքնավար կառույցներ են։ Եթե ունեն դրամական միջոցներ եւ որոշում են նման քայլ անել՝ միայն կարելի է ողջունել»:
Լրագրողների պնդմանը՝ ԱԺ նախագահը հայտարարել է, որ պետական համակարգում բոլորը ստացել են պարգեւավճար, Դումանյանն ասաց՝ Ալեն Սիմոնյանի ասածն ընդունեք ի գիտություն եւ շարժվեք առաջ:
Կարդացեք նաև
«Հատուկ որոշումով լրացուցիչ հավելավճար եւ այլն, չի եղել: Իսկ դպրոցները, ոչ, հատուկ որոշմամբ չի եղել նման բան»,-ասաց Վահրամ Դումանյանը:
Նելլի ԲԱԲԱՅԱՆ
