Ադրբեջանը Հայաստանի դեմ հակընդդեմ հայց է ներկայացրել ՄԱԿ-ի միջազգային դատարան՝ մեղադրելով «Խտրականության բոլոր ձևերի վերացման միջազգային կոնվենցիայի» խախտման մեջ: Այս մասին հաղորդագրություն է տարածել Հաագայի դատարանի մամուլի ծառայությունը:
Ըստ հայցի՝ Հայաստանը «կատարել և շարունակում է կատարել խտրական բնույթի գործողություններ ադրբեջանցիների նկատմամբ՝ ազգային և էթնիկ պատկանելության հիմքով»:
«Հայաստանի քաղաքականությունը և նրա կողմից էթնիկ զտումները, մշակութային ժառանգության ոչնչացումը և ադրբեջանցիների նկատմամբ ազգային ատելության հրահրումը պարբերաբար խախտում է ադրբեջանցիների իրավունքներն ու ազատությունները, ինչպես նաև Ադրբեջանի իրավունքները»,- ասվում է հայցում:
Դրանում նաև պահանջվում է ժամանակավոր միջոց կիրառել Հայաստանի դեմ՝ նախքան դատարանի որոշումը:
Կարդացեք նաև
Հիշեցնենք, սեպտեմբերի սկզբին նույնպիսի հայցով Հայաստանն էր դիմել Հաագայի դատարան՝ ընդդեմ Ադրբեջանի:
Պատրաստեց Վիկտորյա ԱՆԴՐԵԱՍՅԱՆԸ
