«Ազատություն». ԱՄՆ-ի նախագահ Ջո Բայդենը խոստացել է կորոնավիրուսի դեմ պայքարում վակցինայի ևս 500 միլիոն չափաբաժին տրամադրել աղքատ երկրներին։ Կառավարությունը Pfizer տեսակի դեղամիջոց կգնի ու կբաժանի այլ երկրների։
«Ես պահում եմ իմ խոստումը, որ Ամերիկան կդառնա վակցինայի զինանոց», – երեկ ասել է Բայդենը։
Ընդհանուր առմամբ ԱՄՆ-ն վակցինայի մեկ միլիարդ 100 միլիոն դեղաչափ է բաժանում, ավելին, քան աշխարհի որևէ այլ երկիր։
Բայդենն ասել է, որ Ամերիկայի ներսում կորոնավիրուսի դեմ կատարվող ամեն մի վակցինայի դիմաց ԱՄՆ-ն պարտավորվում է 3 վակցինա կատարել աշխարհի մյուս երկրներում։
Կարդացեք նաև
Ջո Բայդենն ասել է, որպես ԱՄՆ-ի նախագահ, իր առաջին պատասխանատվությունը Ամերիկայի ժողովրդին պաշտպանելն է։ Բայդենը նաև զարգացած մյուս երկրներին է կոչ արել սեփական պատվաստանյութի նվիրատվություններ կատարել, քանի որ ըստ առողջապահական համակարգի փորձագետների՝ աղքատ երկրներին դեղամիջոցի 5-6 միլիարդ չափաբաժին է անհրաժեշտ կորոնավիրուսի համավարակի դեմ պայքարելու համար։
Հրաչ ՄԵԼՔՈՒՄՅԱՆ
Նյութն ամբողջությամբ՝ սկզբնաղբյուր կայքում:
