«Առանց համայնքային հանրաքվեների այս նախագծի քննարկումն ապօրինի է եւ պետք է դուրս բերվի ԱԺ օրակարգից»,-ԱԺ տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի կազմակերպած՝ «ՀՀ վարչատարածքային բաժանման մասին» օրենքում փոփոխություններ եւ լրացումներ կատարելու մասին» օրենքի նախագծի հանրային քննարկման ժամանակ այսօր խոսելով համայնքների խոշորացումից՝ ասաց Վայոց ձորի նախկին մարզպետ, ՍԴ աշխատակազմի նախկին ղեկավար Էդգար Ղազարյանը։
Հիշեցնենք, որ առաջիկայում 441 համայնք կընդգրկվի 37 համայնքային փնջերում։
Էդգար Ղազարյանի խոսքով՝ այս նախագիծը չունի որեւէ հիմնավորում․ «Սրա քաղաքական հիմնավորումը կա։ Սա համայնքային խոշորացում չէ, որովհետեւ նախագծում կան եւ ապախոշորացման եւ կրկնակի խոշորացման դեպքեր։ Օրինակ՝ կրկնակի խոշորացում է արվում Վայքի եւ Զառիթափի միջեւ շատ պարզ պատճառով, որովհետեւ նախորդ խորհրդարանական ընտրություններում Վայքի քաղաքապետը պաշտպանել է «Հայրենիք» դաշինքին, իսկ Զառիթափ համայնքի ղեկավարը՝ «Հայաստան» դաշինքին։ Ուրիշ որեւէ բացատրություն չկա այդ երկու համայնքները խոշորացնելու»։
Կարդացեք նաև
Լուիզա ՍՈՒՔԻԱՍՅԱՆ
