«Սոթք համայնքն արդեն իսկ խոշորացված է, հիմա ինչո՞ւ է կրկնակի խոշորացվում»,-ԱԺ-ում այսօր «ՀՀ վարչատարածքային բաժանման մասին» օրենքում փոփոխություններ եւ լրացումներ կատարելու մասին» օրենքի նախագծի հանրային քննարկման ժամանակ ՀՀ տարածքային կառավարման եւ ենթակառուցվածքների փոխնախարար Վաչե Տերտերյանին հարցրեց Գեղարքունիքի մարզի Սոթք համայնքի դպրոցի պատմության ուսուցիչ Հայկ Դավեյանը։
Փոխնախարարը պատասխանեց, որ Սոթքի (Գեղամասար) խոշորացումն առաջին անգամ այլ տրամաբանության մեջ են դրել․ «Հիմա մասշտաբային խոշորացում ենք անում։ Գեղամասար արդեն իսկ խոշորացված համայնքի կենտրոնը մինչեւ հիմա քննարկում ենք, թե որը պետք է լինի։ Նամակներով ինձ մեղադրում էին, որ համառ չգտնվեցի եւ համաձայնեցի, որ Գեղամասարն առանձին փունջ լինի։ Նմանօրինակ ձեւով խոշորացել է նաեւ Ուրցաձորը։ Պատասխանն այն է, որ որտեղ նպատակահարմար է՝ փորձում ենք մասշտաբային խոշորացում անել։ Գեղամասարի դեպքում նաեւ աշխարհագրական դիրքն ենք հաշվի առել։ Դա համոզիչ փաստարկ է, որ տեղական ինքնակառավարումն ուժեղ պետք է լինի։ Գործնականում համոզվել ենք դրանում»։
Հիշեցնենք, որ առաջիկայում 441 համայնք կընդգրկվի 37 համայնքային փնջերում։
Կարդացեք նաև
Լուիզա ՍՈՒՔԻԱՍՅԱՆ
