Մարդու իրավունքների եվրոպական դատարանը բավարարել է «Հայկական ժամանակ» օրաթերթը ներկայացնող «Դարեսկիզբ» ՍՊԸ-ի բողոքն ընդդեմ Հայաստանի:
«Դարեսկիզբ» ՍՊԸ-ն վիճարկում էր 2008թ. նախագահական ընտրություններից հետո հայտարարված արտակարգ իրավիճակի պայմաններում թերթի հրապարակման վրա արգելանք դնելու որոշումը (Հոդված 10՝ խոսքի ազատություն): Բացի այդ, ընկերությունը պնդում էր, որ խախտվել է իր արդար դատավարության իրավունքը (Հոդված 6 § 1), քանի որ իրենց գործը քննած դատարանը «օրենքով սահմանված տրիբունալ չէր»:
Երկու հոդվածներով էլ դատարանը բավարարել է հայցը՝ գտնելով, որ թերթի հրատարակման վրա արգելքը այլ պատճառ չի ունեցել, քան սահմանափակել կառավարության նկատմամբ քննադատությունը, ինչը հակասում է Կոնվենցիայի խոսքի ազատության իրավունքին:
Բացի այդ, դատարանը գտել է, որ Վարչական դատարանի մերժումը՝ լսել ընկերության՝ իրավահավասարության հարցերով գործը, խախտել է դիմումատուի դատարանների հասանելիության իրավունքը:
Կարդացեք նաև
Դատարանի որոշմամբ ՀՀ կառավարությունը «Հայկական ժամանակին» կվճարի 9000 եվրո:
Ուշագրավ է, որ 2008թ. «Հայկական ժամանակ» օրաթերթի գլխավոր խմբագիրը այսօր արդեն կառավարության ղեկավար Նիկոլ Փաշինյանն էր:
Պատրաստեց Վիկտորյա ԱՆԴՐԵԱՍՅԱՆԸ
