«Կառավարությունը երբեք չի ասել, թե «Հայաստան համահայկական հիմնադրամի» միջոցները ծախսվել են ռազմական նպատակներով կամ ռազմական կարիքների համար։ Ասել ենք, որ հետպատերազմական շրջանում իրականացրել ենք ավելի քան 100 միլիարդ դրամի հատկացում՝ պատերազմի ընթացքում առաջացած կարիքների համար»,-ԱԺ-կառավարություն հարցուպատասխանի ժամանակ այսօր հայտարարեց վարչապետ Նիկոլ Փաշինյանը։
Նրա խոսքով․ «Պատերազմի ընթացքում ի հայտ են եկել լրացուցիչ առողջապահական, տնտեսական կարիքներ։ Կառավարությունը 100 միլիարդից ավելի գումար է հատկացրել այդ կարիքները հոգալու համար, որից 52 միլիարդը եղել է հիմնադրամի միջոցներից։ Մնացածը եղել է պետբյուջեի միջոցներից։ Հիմնադրամի միջոցները չեն ծախսվել, բնականաբար, ռազմական կարիքների համար, այլ ծախսվել են այն նպատակների համար, որոնք նախատեսված են հիմնադրամի կանոնադրությամբ։ Բացի իմ ասածից՝ որեւէ այլ բան տեղի չի ունեցել»։
Լուիզա ՍՈՒՔԻԱՍՅԱՆ
