Հայաստանի դեմոկրատական կուսակցությունը դիմել է ՀՀ-ում ԵԱՀԿ Մինսկի խմբի անդամ երկրների դեսպանատներ՝ առաջարկելով ԵԱՀԿ Մինսկի խմբի եռանախագահների մանդատի վերաիմաստավորման եւ լիազորությունների ընդլայնման ճանապարհով վերակենդանացնել Արցախի հարցի շուրջ բանակցությունները: Դիմումում ամրագրվում է նաեւ, որ Հարավային Կովկասի տարածաշրջանում խաղաղություն հաստատելու միակ մանդատն ունի Մինսկի խումբը:
Սա ՀԴԿ-ում անհրաժեշտ են համարում՝ Հայաստանում ստեղծված ներքին եւ արտաքին ճգնաժամը հաղթահարելու համար:
«Արցախի հարցի հանգուցալուծումը, ցանկացած պարագայում, անշեղորեն կապված է ՀՀ-ի ինքնիշխանության եւ անվտանգության համակարգի հետ»,- այսօր հրավիրված մամուլի ասուլիսում ասաց ՀԴԿ փոխնախագահ Նարինե Դիլբարյանը՝ հավելելով՝ քանի այս հարցը կարգավորված չէ, շատ արագ հոդս կցնդեն այն առասպելները, թե մենք տարածաշրջանային խաղաղություն ենք ուզում ստեղծել: Բանախոսի պնդմամբ, պետք է հօդս ցնդի նաեւ այն միֆը, թե Հայաստանը չունի դաշնակիցներ Արցախի հարցի՝ հօգուտ հայկական շահերի լուծման եւ ՀՀ-ի ինքնիշխանության ամրապնդման գործում:
ՀԴԿ-ում գտնում են, որ 30 տարի կողմերին հաշտեցնելու մանդատը, որը արդյունք չտվեց, Մինսկի խմբում պետք է փոխարինել՝ համանախագահներին պատժամիջոց կիրառելու եւ հաշտարար դատավորի մանդատ տալով:
Կարդացեք նաև
Այլ մանրամասները՝ տեսանյութում
Նելլի ԳՐԻԳՈՐՅԱՆ
