Ռուսաստանը կպաշտպանի Հայաստանի՝ համընդհանուր ճանաչված սահմանները, ինչպես իր սեփականը՝ հաշվի առնելով նրա անդամակցությունը Հավաքական անվտանգության պայմանագրի կազմակերպությանը: Այս մասին հայտարարել է Ռուսաստանի Դաշնային խորհրդի արտաքին հարցերով հանձնաժողովի անդամ Անդրեյ Կլիմովը՝ արձագանքելով «Սպուտնիկ Արմենիա»-ի այն հարցին, թե ինչպես է Ռուսաստանը նայում Ադրբեջանի և ՆԱՏՕ-ի անդամ Թուրքիայի մերձեցմանը:
Կլիմովի խոսքով՝ Ռուսաստանի ռազմական հայեցակարգը կառուցված է այնպես, որ պաշտպանելով իրեն և իր դաշնակիցներին՝ երկիրը կարող է դիմակայել «մնացած բոլորին միասին վերցրած», և ոչ միայն ՆԱՏՕ-ի միայն մեկ անդամ երկրի:
«Մենք իհարկե, հետաքրքրվում ենք տարբեր տեսակի իրավիճակներով: Մենք ունենք մասնագետներ, որոնք դրանից գլուխ են հանում… Բայց այն, ինչ ես ասացի, վճռական նշանակություն ունի: Ոչ մեկին խորհուրդ չէի տա ստուգել, ինչպես դա կլինի»,- ասել է սենատորը:
Կլիմովը համոզված է, որ այդպիսի «ստուգումը» ոչ մեկի համար լավ չի ավարտվի, և Անկարայի գործընկերներն էլ դա լավ հասկանում են: Մյուս կողմից, Ռուսաստանը չէր ցանկանա բազմապատկել այն խնդիրները, որոնք առանց այդ էլ քիչ չեն: Հենց այդ պատճառով էլ, նրա խոսքով, Մոսկվան փորձում է հետևել «մի վնասիր» սկզբունքին:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
