«Երբ մի քանի հոգով հարձակվում էին մեկ հոգու վրա, իմ երիտասարդության տարիներին դա անբարոյականության գագաթնակետն էր: Բայց անգամ նման կռվի ժամանակ, եթե այդ մեկը նույնիսկ մեկ անգամ խփում է, ուրեմն՝ նա է հաղթողը, ոչ թե 8-9-10-ը: Կարող եք հարցնել երկրի թիվ մեկ աներձագից՝ ինչպե՞ս է նրա ծնոտը՝ ոտքով փայլուն հարված ստանալուց հետո եւ արդյոք Հունաստանի կղզու այդ գերթանկարժեք ակումբում՝ իր ղեկավարի հետ, նա բուժո՞ւմ էր իր վնասված ծնոտը, թե՝ ոչ: Վիվառոյի Վիգենի փողերով նրանք այդ ծնոտի բուժումն էին կազմակերպել Հունաստանի կղզում»,- այսօր «Հայելի» մամուլի ակումբում հայտարարեց ՀՅԴ Հայաստանի Գերագույն մարմնի անդամ Բագրատ Եսայանն՝ անդրադառնալով 8-րդ գումարման խորհրդարանի առաջին նիստում եղած ծեծկռտուքին:
Ըստ ՀՅԴ ԳՄ անդամի, եթե որեւէ մեկին թվում է, որ ֆիզիկական ուժով հնարավոր է վախեցնել ՀՅԴ որեւէ անդամի՝ չարաչար սխալվում է, քանի որ ՀՅԴ-ականները ամեն ինչ տեսել են՝ բանտեր, հատորներով քրեական գործեր, այդ թվում նաեւ վերջին՝ «ակնհայտորեն դավաճանված պատերազմում, մեր մի քանի հարյուր ընկերների կյանքի գնով ազատագրել եւ փորձում էինք պաշտպանել Արցախի հայկական տարածքները»:
Բագրատ Եսայանը վստահեցնում է՝ վաղ թե ուշ բոլորի պատասխանը լինելու է եւ ոչ ոք չի խուսափելու պատասխանատվությունից:
Ընդդիմադիր գործիչների ծեծը խորհրդարանում, նա համարում է իշխանության կողմից ծրագրավորված գործընթաց:
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
