ՀՔԾ-ն Ազգային ժողովում տեղի ունեցած դեպքերի հիման վրա «Հայաստան» խմբակցության պատգամավորներ Արծվիկ Մինասյանի, Գեղամ Նազարյանի, «Պատիվ ունեմ» խմբակցությունից Աննա Մկրտչյանի գործերով նախապատրաստված նյութերի հիման վրա որոշել է քրեական գործ հարուցելը մերժել:
Այս առնչությամբ Aravot.am-ի հետ զրույցում Գեղամ Նազարյանն ասաց. «Քննիչը բացատրեց, որ քանի որ հարվածը մեկն է, հիմք չի քրեական գործ հարուցելու համար: Մեկից ավելի հարված է պետք, որ քրեական գործ հարուցվի: Դրա համար ես քննիչի հետ խնդիր չունեմ»:
Ճշտեցինք, այսինքն, այնպես չի՞, որ հանցանք կա, աչք են փակում՝ Գեղամ Նազարյանը պատասխանեց. «Չէ, իրոք մի հարված է եղել ու այնպես չի, որ մի քանիսն է եղել, գրում են՝ մեկ: Քննիչի հետ կապված այս դեպքում ես խնդիր չեմ տեսնում: Գործը իրենք էին հարուցել, ես չեմ դիմել, իրենք հրավիրել էին ինձ ՀՔԾ, ես իրենց հարցերին պատասխանեցի: Հետո մի անգամ էլ հրավիրեցին, նորից հարցերին պատասխանեցի, հետո ասացին՝ քանի որ մի հարված է, տեսանյութերից էլ երեւում է, դրա համար մերժելու են: Ես ընդամենը քննիչին առաջարկել եմ, որ ինքը գտնի այդ խուլիգանական գործողության կազմակերպչին, իմ հորդորը դա է միայն եղել»:
Հռիփսիմե ՋԵԲԵՋՅԱՆ
