Փաստաբան Լիպարիտ Սիմոնյանի ֆեյսբուքյան էջից տեղեկանում ենք, որ Երևան քաղաքի ընդհանուր իրավասության դատարանի դատավոր Աննա Մաթևոսյանը մերժել է Երևանի թիվ 122 դպրոցի նախկին տնօրեն Մարինե Մալախյանին կալանավորելու վերաբերյալ քննիչի միջնորդությունը։
Դատարանը նաև բավարարել Լիպարիտ Սիմոնյանի բողոքը՝ ոչ իրավաչափ ճանաչելով դպրոցի տնօրենին ձերբակալելու որոշումը։ Տնօրենն անհապաղ ազատ է արձակվել։
Հիշեցնենք. դպրոցի ուսուցչուհիներից մեկը մամուլին տրամադրել էր ձայնագրություն իր և տնօրենի մասնակցությամբ կաշառք տալու ու ստանալու վերաբերյալ: Ձայնագրությունում նշվում էր, որ ուսուցչուհին աշխատանքի է ընդունվել 1500 դոլար վճարելու շնորհիվ, իսկ հետո էլ աշխատավարձի մի մասն է պարբերաբար տվել տնօրենին:
Կարդացեք նաև
