Լրագրողների գործունեության սահմանափակումների նպատակն, ըստ իրավապաշտպան Ռուբեն Մելիքյանի, անպատիժ կերպով ընդդիմադիր պատգամավորների նկատմամբ բռնություն կիրառելն է:
«Լրագրողների այս խայտառակ սահմանափակումները չաշխատեցին, որովհետեւ այդ ծեծուջարդը նկարահանվեց հենց ընդդիմադիր պատգամավորների կողմից: Եթե խնդիրն այն էր, որ դա չդառնա հանրության սեփականությունը, այդ խնդիրը չլուծվեց եւ չի կարող լուծվել, չեն կարող արգելել այդ մարդկանց դահլիճ մտնել հեռախոսով»,-այսօր «Հայելի» ակումբում ասաց պարոն Մելիքյանը: Ըստ նրա, քանի որ այդ խնդիրը չլուծվեց, հավանական է համարում, որ այդ սահմանափակումների գոնե մի մասը կվերացվի. «Ինչ տարբերություն, այնտեղից նստած Ագնեսա Խամոյա՞նն է նկարում, թե օթյակից լրագրողը»:
Ռուբեն Մելիքյանը խոսեց նաեւ ազատությունից զրկված պատգամավորների՝ Գորիսի նախկին քաղաքապետի, բժիշկ Արմեն Չարչյանի մասին, որոնք, նրա կարծիքով, ակնհայտորեն քաղաքական հետապնդման են ենթարկվում:
Լուսինե ԲՈՒԴԱՂՅԱՆ
