Այս ուտեստը կարող եք հանդիպել Լեհաստանի գրեթե բոլոր քաղաքների փողոցներում, առեւտրի կենտրոններում, հրապարակներում, կայարաններում: 1970-ականներից ի վեր՝ լեհական ամենատարածված ֆաստֆուդն է: Իրենից ներկայացնում է տաք սենդվիչ: Շատ հեշտ է պատրաստվում, հագեցնող է եւ շատ համեղ:
Անհրաժեշտ մթերքները
Հաց (ցանկալի է բագետ կամ բատոն, ծայրահեղ դեպքում՝ «բուխանկա» տեսակի)-1 հատ մեծ կամ 2 հատ փոքր
Սունկ-0,5 կգ
Կարդացեք նաև
Սոխ-1 գլուխ
Կարագ կամ բուսական յուղ-3-4 ճաշի գդալ
Աղ, սեւ պղպեղ- ըստ ճաշակի
Թարմ սամիթ կամ համեմ- մի քանի ճյուղ
Դեղին պանիր-100 գրամ
Կետչուպ
Պատրաստման եղանակը
Սունկը եւ սոխը մաքրել, լավ լվանալ, մանր կտրատել:
Կարագի կամ բուսական յուղի մեջ տապակել սկզբում սոխը, ապա ավելացնել սունկը: 4-5 րոպե անց ավելացնել աղն ու պղպեղը: Պետք է եփվի այնքան, մինչեւ առաջացած հյութն ամբողջությամբ գոլորշիանա: Ավելացնել կտրատած կանաչու մի մասը:
Հացը երկայնքով միջից կիսել: Վրան քսել սնկի թանձրուկը: Վրայից առատորեն լցնել քերած պանիր եւ դնել ջեռոցը 10-15 րոպեով:
Հանել, վրան կետչուպ լցնել եւ մատուցել տաք-տաք վիճակում:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
