Խնկո Ապոր անվան ազգային մանկական գրադարանում հունիսի 1-ից մեկնարկած ամառային դպրոցի ծրագիրն ավարտվեց սեպտեմբերի 1-ի նախաշեմին: Ամռան ընթացքում ավելի քան 50 երեխա հնարավորություն է ունեցել մասնակցելու գրադարանի կողմից կազմակերպված կրթամշակութային և ճանաչողական այցերին ու միջոցառումներին:
Մասնակիցների համար կազմակերպվել են այցեր Հ. Թումանյանի, Մ. Սարյանի, Ալ. Սպենդիարյանի, Ա. Խաչատրյանի, Ռուսական արվեստի և Պ. Բորոյանի անվ. տիկնիկների թանգարաններ, «Էդիթ Պրինտ» հրատարակչության գրքի արտադրամաս, «Զանգակ» գրատուն: Ամառային դպրոցի սաները ներկայացումներ են դիտել Հ. Թումանյանի անվ. տիկնիկային և Խամաճիկների թատրոններում:
Երեխաների համար գրադարանը կազմակերպել է գրքի ընթերցումներ, քննարկումներ, հանդիպումներ հայ մանկագիրների հետ, հմուտ ձեռքերի, ասեղնագործության, մեդիագրագիտության, օտար լեզուների փոխգործուն դասեր, «Ես և շրջակա միջավայրը», «Մի հայտնագործության պատմություն», «Աշխարհի շուրջ» խորագրերով թեմատիկ զրույցներ, բակային խաղեր:
Կարդացեք նաև
Խնկո Ապոր անվան ազգային մանկական գրադարանի ամբողջ անձնակազմը շնորհավորում է բոլոր դպրոցականներին, ուսանողներին և մանկավարժներին Գիտելիքի տոնի առթիվ՝ մաղթելով բեղմնավոր ուսումնական տարի:
Խնկո Ապոր անվան ազգային մանկական գրադարան
