Aravot.am-ը ԿԳՄՍ նախարարի տեղակալ Կարեն Գիլոյանից հետաքրքրվեց` որքանո՞վ են համատեղելի կրթության ոլորտն ու քրեական հեղինակություն համարվող «Արտյոմ Կանեւսկոյ» անունով Արտյոմ Հարությունովը, որին քրեական ենթամշակույթի դեմ պայքար հայտարարած կառավարության փոխնախարարը շնորհակալագիր է հանձնում դպրոցներից մեկը վերանորոգելու համար, հատկապես որ Արտյոմ Հարությունովը մինչեւ վերջերս անցնում էր քրեական մի քանի գործով:
ԿԳՄՍ նախարարության լրատվականից խոստացան ավելի ուշ մեկնաբանություն տալ, ԿԳՄՍ նախարարի տեղակալ Կարեն Գիլոյանն էլ Aravot.am-ին ասաց, որ հանդիպման է նախարարի եւ միջազգային կազմակերպության ներկայացուցիչների հետ, բայց ավելի ուշ պատրաստ է պատասխանել մեր հարցերին:
Պարոն Գիլոյանի մեկնաբանությունն` ավելի ուշ:
Գոհար ՀԱԿՈԲՅԱՆ
