Գյումրի բժշկական կենտրոնում վերաբացվել է կորոնավիրուսի բաժանմունքը։ Այնտեղ այս պահին բուժվում են 54 հիվանդներ Հայաստանի Հանրապետության տարբեր շրջաններից՝ Շիրակի մարզից, Լոռուց, Տավուշից։ Այս մասին մեզ տեղեկացրեց Գյումրի բժշկական կենտրոնի փոխտնօրեն Արմեն Խաչատրյանը։
Շիրակի մարզպետարանի առողջապահության և սոցիալական ապահովության վարչության պետ Լեյլի Ասլանյանն էլ նշեց, որ հանրապետության մասշտաբով թվերն աճել են, Շիրակի մարզում էլ որոշակի աճ կա։
Լեյլի Ասլանյանի տեղեկացմամբ, Շիրակի մարզում ամբուլատոր բուժվողների թիվը 100 է, իսկ Գյումրի Բ/Կ-ի ստացիոնար բաժանմունքում բուժվում են 54 հոգի, որից 21-ը Շիրակի մարզից են։
Նունե ԱՐԵՎՇԱՏՅԱՆ
