«Ազգային ժողովում կառավարության ծրագրի իմ ներկայացման հիմնական ասելիքը տարածաշրջանի եւ Հայաստանի համար խաղաղ զարգացման դարաշրջան բացելու օրակարգն էր, եւ սրանից հետո առաջացավ արդեն հայտնի իրադրությունը, երբ Ադրբեջանը Էյվազլի (նկատենք, որ դա Որոտանն է-խմբ.) եւ Չայզամի (հայերեն՝ Նոր Առաջաձոր-խմբ.) հատվածներում փակել է Սյունիքի մարզի հարավային հատվածներ տանող հիմնական ճանապարհը»,-այսօր կառավարության նիստում ասաց ՀՀ վարչապետ Նիկոլ Փաշինյանը։
Ըստ նրա՝ այս գործողությունը հակասում է 2020 թվականին ձեռք բերված պայմանավորվածություններին. «Ես հույս ունեմ, որ իրավիճակը րոպե առաջ կկարգավորվի։ Քաղաքական առումով ինձ համար միանշանակ է, որ այդ ակցիան արվել է մեր առաջ քաշած խաղաղության օրակարգին հարվածելու, այդ օրակարգը վարկաբեկելու համար։ Ադրբեջանի պահվածքը վկայում է, որ նման միջադեպեր էլի կարող են լինել։ Մեր ծառայությունները պետք է զգոն լինեն եւ ուշադիր, բայց մյուս կողմից մեզ ամուր նյարդեր են պետք, եւ մենք մեր ռազմավարական գիծը, խաղաղության օրակարգը պիտի զարգացնենք, առաջ տանենք։ Սյունիքի ճանապարհների հետ կապված իրադրության ստեղծումը մեզ համար անկանխատեսելի չէր, եւ մենք այդ ընթացքում աշխատել ենք նոր ենթակառուցվածքների ձեւավորման ուղղությամբ ու շարունակելու ենք աշխատել։ Սակայն Էյվազլի եւ Չայզամի հատվածներում ճանապարհի վերաբացումը տարածաշրջանային կայունության շատ լավ խորհրդանիշ կարող է դառնալ։ Ադրբեջանական կողմը պնդում է, որ ստեղծված իրադրությունը կապվում է նախորդ օրը տեղի ունեցած միջադեպի հետ, երբ դանակահարվել է Ադրբեջանի սահմանապահ զորքերի ծառայող։ Մեր նախնական ստուգումները ցույց են տվել, որ հայկական կողմը որեւէ առնչություն չունի ենթադրվող միջադեպի հետ։ Պատրաստ ենք նաեւ համատեղ հետաքննության Հայաստանի, Ռուսաստանի, Ադրբեջանի ներկայացուցիչների մասնակցությամբ»։
Վարչապետի խոսքով՝ միջպետական եւ հանրապետական նշանակության ճանապարհների նորոգման, հիմնանորոգման կառավարության ծրագրերը, մասնավորապես, Սյունիքի մարզում, մինչեւ տարեվերջ Տաթեւ-Աղվանի ճանապարհի հիմնանորոգումը պիտի ավարտվի. «Նախանշված մյուս հատվածների ճանապարհաշինական ծրագրերը նույնպես պիտի ավարտենք, համայնքների անխափան կապը մարզկենտրոնի, միջպետական եւ հանրապետական նշանակության ճանապարհների հետ ավելի որակյալ դարձնելու համար»։
Ըստ Նիկոլ Փաշինյանի՝ որոշակի դրական հրապարակային ազդակներ կան Թուրքիայի կողմից. «Մենք այդ ազդակները կգնահատենք եւ դրական ազդակներին դրական ազդակով կպատասխանենք»։
Կարդացեք նաև
Լուսինե ԲՈՒԴԱՂՅԱՆ
Ինչպես միշտ նա վերջինն է հասկանում, թե շուրջն ինչ է կատարվում: Այս պարագայում տեղին է մեջ բերել ԼՏՊի նախընտրական հարցազրույցից, բառացիորեն՝ նա (այսինքն կապիտուլյանտը) հասկանալու հետ խնդիր ունի… նրան ինչ-որ բան են ասում, իսկ ինքը չի հասկանում…
ԼՏՊն այս միտքը կրկնեց առնվազն 2 անգամ նույն հաղորդման ընթացքում (Հ1 Պետրոսի մոտ):
ՀԳ. պատկերացնու՞մ եք շտապ, անհետաձգելի որորոշում, որը նա կարող է հասկանալ ու ընկալել ասենք մի 10 օրից….