Թուրքիայի և Ռուսաստանի հարաբերությունները գործընկերային են, բայց դա չի նշանակում, որ երկու երկրների միջև չի կարող դիրքորոշումների տարբերություն լինել: Այս մասին հայտարարել է Կրեմլի ներկայացուցիչ Դմիտրի Պեսկովը:
Հիշեցնենք, երեք Թուրքիայի արտգործնախարար Մևլութ Չավուշօղլուն Կիևի հրավերով մասնակցում էր «Ղրիմյան հարթակ» գագաթնաժողովին, որտեղ նա հայտարարել է, թե այդ նախաձեռնությունը կարևոր դերակատարում կարող է ունենալ Ղրիմն Ուկրաինայի վերադարձնելու գործում:
«Ռուս-թուրքական հարաբերություններն, ընդհանուր առմամբ, կրում են գործընկերային բնույթ, ընդ որում ոչ միայն դեկլարատիվ, այլ իսկապես, հիմնված առևտրատնտեսական, ներդրումային գործակցության իրական և ամուր հիմքի վրա: Բայց դա չի նշանակում, որ այդ հարաբերությունները զերծ են տարաձայնություններից: Առկա տարաձայնությունների շրջանակին է վերաբերում հենց Ղրիմի թեման: Մեզ համար ընդունելի չէ մեր թուրք գործընկերների այդպիսի դիրքորոշումը, մենք այն համարում ենք միանգամայն սխալ»,- ասել է Պեսովը:
Նա ընդգծել է, որ Ռուսաստանը կշարունակի հետագայում էլ համբերատար կերպով իր թուրք գործընկերներին բացատրել «ռուսական այդ շրջանում իրերի իրական դասավորությունը»:
Կարդացեք նաև
«Մենք կարծում ենք, որ ցանկացած տարաձայնություն հնարավոր է լուծել երկխոսության միջոցով: Մենք պատրաստ ենք երկխոսության, պատրաստ ենք բացատրել իրերի իրական դասավորությունը, և պատրաստ ենք պարզաբանել այն մոլորությունները, որոնց տրվում են շատ երկրներ Ղրիմի հարցում»,- ասել է Պեսկովը:
Պատրաստեց՝ Վիկտորյա ԱՆԴՐԵԱՍՅԱՆԸ
