«Դատավորին իր որոշումների, վերլուծությունների, մտքերի համար կարգապահական պատասխանատվության ենթարկելն ինքնին սխալ է։ Սա հավաստվում է նաև միջազգային իրավական փաստաթղթերով»,- այսօր այս մասին լրագրողների հետ զրույցում ասաց դատավոր Արման Հովհաննիսյանը։
Հիշեցնենք, որ Արման Հովհաննիսյանի նկատմամբ կարգապահական վարույթ հարուցվել էր արդարադատության նախարարության կողմից։ Ուշագրավ էր այն փաստը, որ Արման Հովհաննիսյանի նկատմամբ կարգապահական վարույթը հարուցվել էր այն բանից հետո, երբ նրա որոշմամբ ԱԱԾ մեկուսարանից ազատվել էր «Սիսական» ջոկատի հրամանատար Աշոտ Մինասյանը։
Ի պատասխան լրագրողների հարցերին՝ դատավորը նշեց, որ սա ուղիղ միջամտություն է իր լիազորությունների իրականացմանը և խախտում է դատավորի անկախության սկզբունքը։
Արման Հովհաննիսյանի փոխանցմամբ՝ այսօր ԲԴԽ նիստում նա ներկայացրել է միջնորդություն՝ վարույթը կարճելու մասին։ Միջնորդության քննարկման նպատակով նիստը հետաձգվեց։ Սույն գործով հաջորդ ԲԴԽ նիստը կկայանա սեպտեմբերի 2-ին, ժամը 15։00-ին։
Կարդացեք նաև
Նելլի ԳՐԻԳՈՐՅԱՆ
