«Առավոտ»-ի տեղեկություններով՝ ոստիկանության Արարատի մարզային վարչությունից տեղեկություններ են ստացվել, որ Ռանչպար համայնքի ղեկավարի պաշտոնակատար Արմեն Պողոսյանը մարտ ամսին թույլատրել է ապամոնտաժել Ռանչպար գյուղի 1-ին փողոցի հարակից տարածքում գտնվող դրենաժային ջրերի համար նախատեսված մոտ երկաթե, ինչպես 40 հատ բետոնե խողովակներ, որոնք վաճառել է Գուրգեն Ս.-ին։
Ըստ նույն տեղեկությունների՝ նշված խողովակների ապամոնտաժման և դրանց հետագա օտարման համար հիմք է հանդիսացել Ռանչպարի համայնքապետարանի և Գուրգեն Ս.-ի կնոջ՝ Գոհարիկ Օ.-ի մարտի 30-ին կնքված ծառայությունների մատուցման պայմանագիրը։ Համաձայն պայմանագրի՝ Գոհարիկ Օ.-ի Ա/Ձ-ի կողմից մարտի 30-ից մինչև ապրիլի 5-ը Ռանչպար համայնքի 1-ին փողոցով անցնող առուն ամբողջությամբ մաքրելու և դրենաժին միացնելու, ինչպես նաև Ռանչպար համայնքի 1Ա փողոցն ամբողջությամբ խճապատելու համար համայնքապետարանը պարտավորվել է Ա/Ձ-ին տրամադրել 1.400 մմ տրամագծով բետոնե 40 հատ 2 մետր երկարությամբ խողովակներ և 2000 լ. դիզելային վառելիք: Պայմանագրում երկաթյա խողովակների վերաբերյալ որևէ անդրադարձ չի կատարվել:
Այսպիսով՝ Արմեն Պողոսյանը, չարաշահելով իր պաշտոնեական դիրքը, Ռանչպար համայնքին պատճառել է մոտ 14 մլն. դրամի վնաս, որը յուրացվել է վերջինիս կողմից:
Կարդացեք նաև
Նախապատրաստվում են նյութեր։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
