«Պարոն Մինասյան, շնորհավորեցիք, չգիտեի, որ այսօր է։ Միանում եմ շնորհավորանքներին։ Ուզում եմ շնորհավորել հատկապես ձեզ եւ Գեղամ Մանուկյանին։ Ինչո՞ւ, որովհետեւ նոր google արեցի, «Սորոս» եւ ՀՅԴ բառերն իրար հետ գրեցի․․․չէ, Գեղամին չբերեց․․․ըստ Aniarc.am-ի՝ 2012-2015թթ․ «Երկիր մեդիան» Սորոսի հիմնադրամից ստացել է 237 000 դոլար դրամաշնորհ»,-ԱԺ լիագումար նիստում այսօր դիմելով «Հայաստան» դաշինքից Արծվիկ Մինասյանին, որն ավելի վաղ Ջորս Սորոսի ծնունդն էր շնորհավորել ԱԺ ամբիոնից՝ նկատի ունենալով «շահառուներին», ասաց ԱԺ փոխնախագահ Ռուբեն Ռուբինյանը։
Նա հարցադրում արեց․ «Չգիտեմ՝ ճի՞շտ է, թե սխալ, բայց այդպես է գրված։ Ճի՞շտ է, այդ դեպքում շնորհավորում եմ ձեզ Ջորջ Սորոսի ծննդյան առիթով եւ Ջորջ Սորոսին երկար տարիների կյանք եմ մաղթում՝ հանուն «Երկիր մեդիայի»։
Լուիզա ՍՈՒՔԻԱՍՅԱՆ
