Այսօր խորհրդարանում ԱԺ Մարդու իրավունքների պաշտպանության եւ հանրային հարցերի մշտական հանձնաժողովի նախագահի պաշտոնում «Պատիվ ունեմ» խմբակցության թեկնածու Թագուհի Թովմասյանին, ԱԺ «Քաղաքացիական պայմանագիր» խմբակցության անդամ Զարուհի Բաթոյանը հիշեցրեց «Պատիվ ունեմ» խմբակցության ղեկավար Արթուր Վանեցյանի՝ 2021-ի փետրվարի վերջին Բաղրամյան պողոտայում արած հայտարարությունն այն մասին, որ եթե ինքն ունենար իշխանություն, ապա 3 օրվա ընթացքում կլուծեր գերիների հարցը՝ անձնական կապերի եւ ծանոթությունների միջոցով։
«Արդյոք տեղյա՞կ եք, թե ի՞նչ կապերի մասին է խոսքը՝ անձնական, բարեկամական, թե՝ աշխատանքային գործունեության ընթացքում ձեռք բերված՝ մեր կառավարության հետ, որպես ԱԱԾ տնօրեն աշխատելիս»,- հարցրեց Զարուհի Բաթոյանը հավելելով`բավարա՞ր է պատգամավորի մանդատը, որպեսզի Արթուր Վանեցյանն օգնի Թագուհի Թովմասյանին՝ ընտրվելու դեպքում նաեւ այս հանձնաժողովում իրականացնելու գերիների ազատման ուղղված գործողություններ։
Թագուհի Թովմասյանը հիշեցրեց` Արթուր Վանեցյանը ԱԱԾ-ում երկարամյա սպա է եւ հեղափոխությունից հետո չէ, որ նա հայտնվել է ԱԱԾ-ում ու նոր պետք է կապեր ստեղծեր։
Թագուհի Թովմասյանը հիշեցրեց Արթուր Վանեցյանի խոսքը` «երբ ես լինեմ իշխանություն» եւ հիշեցրեց, որ նա այսօր ընդդիմադիր խմբակցության ղեկավար է, հետեւաբար այդ կարգավիճակում անհնար է նրանից այդ հարցի լուծում ակնկալել:
Կարդացեք նաև
Մանրամասները`տեսանյութում
Նելլի ԳՐԻԳՈՐՅԱՆ
