Հաշվեքննիչ պալատի նախագահ Լևոն Յոլյանի կողմից բնակարանը չհայտարարագրելու մասին ՀՀ կոռուպցիայի կանխարգելման հանձնաժողովի կողմից հաղորդում է ներկայացվել ՀՀ դատախազություն։ ՀՔԾ-ից «Փաստինֆո»-ի հարցին ի պատասխան հայտնեցին, որ դատախազությունից ստացված նյութերի հիման վրա հարուցվել է քրեական գործ` առանց հստակեցնելու, թե ՀՀ քրեական օրենսգրքի որ հոդվածով։
Մամուլում շրջանառվող տեղեկությունների համաձայն՝ քրեական գործը հարուցվել է ՀՀ ՔՕ 314.3-րդ հոդվածի 2-րդ մասի հատկանիշներով (հայտարարագրերում կեղծ տվյալ ներկայացնելը կամ հայտարարագրման ենթակա տվյալը թաքցնելը, որը հանգեցրել է առանձնապես խոշոր չափերով գույքի կամ եկամտի չհայտարարագրմանը):
Աղբյուր` «Փաստինֆո»
