Ըստ «Առավոտի» ունեցած տեղեկությունների օգոստոսի 10-ին Կոտայքի մարզի դատախազությունը ստացել է ՀՀ ԱՆ Սնանկության գործերով կառավարիչ Լևոն Պետրոսյանի դիմումն այն մասին, որ Կոտայքի մարզի ընդհանուր իրավասության դատարանի վճռով 2015 թվականին Սպարտակ Մելիքյանը ճանաչվել է սնանկ և սնանկության դատարանի կառավարիչ է նշանակվել Սեդրակ Ա.-ն:
ՀՀ Սնանկության դատարանի որոշմամբ՝ 2020 թվականին դադարեցվել են Սպարտակ Մելիքյանի սնանկության գործով նշանակված կառավարիչ Սեդրակ Ա.-ի լիազորությունները, և գործով կառավարիչ է նշանակվել Լևոն Պ.-ն։
2019 թվականի փետրվարի 20-ին աճուրդին մասնակցելու համար սնանկության հատուկ հաշվին փոխանցվել է ընդհանուր 4.458.898 դրամ, որը ըստ դիմումի, հունվարի 23-ին Սեդրակ Ա.-ն խաբեությամբ կանխիկացրել է և սնանկության վարույթի շրջանակներում չի օգտագործվել:
Դեպքի հանգամանքները պարզվում են։
Կարդացեք նաև
