«Իմ մոտ տպավորություն է, որ ընդդիմադիր խմբակցությունների ներսում չկա միասնականություն եւ կառավարող մարմին։ Անկեղծ։ Որովհետեւ երկու խմբակցություններ ասելիք չունենալու պատճառով փորձում են վիրավորանքների, պիտակների, չարաճճիության միջոցով աչքի ընկնել»,-ԱԺ լիագումար նիստում այսօր հայտարարեց խորհրդարանի նախագահ Ալեն Սիմոնյանը։
Հիշեցնենք, որ «Պատիվ ունեմ»,-ից Աննա Մկրտչյանն ավելի վաղ հեռացվեց նիստերի դահլիճից՝ արդեն երկրորդ անգամ «Նիկոլ կապիտուլյանտ» արտահայտությունն անելու համար։
Ալեն Սիմոնյանը նշեց․ «Եթե չեք կարողանում ձեր գործընկերներին զսպել, դա կանեմ ես։ Կասկած չունենաք, որ դա անելու եմ ամենախիստ ձեւով»։
Ապա Սիմոնյանը դիմեց ՔՊ-ին․ «Հորդորում եմ ամեն սադրանքի չարձագանքել։ Մարդիկ պարտվել են ու շատ են մռմռացել այդ պարտությունից։ Մրմուռը մինչեւ հիմա ոմանց մեջ է։ Չեն հասկանում, թե այդքան փող ծախսելուց եւ ատելություն տարածելուց հետո․․․այո, ատելություն իրենք են տարածել։ Երբ ոստիկանները կանանց փողոցում ջարդում էին, ՔՊ-ն, որպես ընդդիմություն, ատելության խոսք չէր տարածում։ Խնդրում եմ՝ արհամարհեք նրանց, սա իրենց թուլությունն է, անկարողության վերջին ճիչը։ Ժողովուրդն իրենց մերժեց իրենց տերերի պես, նրանք հայտնվեցին քաղաքական աղբանոցում։ Կրթություն եւ դաստիարակություն չունեցող մարդկանց ասածներին մի արձագանքեք։ Տեղը չեն բերել ուր են եկել»։
Կարդացեք նաև
Լուիզա ՍՈՒՔԻԱՍՅԱՆ
