«Ասում եք, որ եթե հոկտեմբերի 19-ին համաձայնեինք զինադադարին, ապա այսպես կամ այնպես կլիներ։ Իսկ ո՞վ էր երաշխավորը, որ այդ օրը մեր համաձայնության դեպքում զինադադարը լինելու էր»,-ԱԺ լիագումար նիստում այսօր անդրադառնալով ընդդիմադիր խմբակցությունների մեղադրանքներին, թե իշխանությունը կարող էր պատերազմը կանգնեցնել դեռեւս հոկտեմբերին եւ ավելի քիչ կորուստներով՝ ասաց «Քաղաքացիական պայմանագրի» պատգամավոր Շիրակ Թորոսյանը։
«Չէ՞ որ մինչեւ այդ Մակրոնը եւ Պուտինը երեք անգամ փորձել էին միջնորդել զինադադարի համար, բայց դա չէր եղել։ Իսկ ո՞վ էր ասում, որ հոկտեմբերի 19-ին դա լինելու էր։ Պուտինն էր ասել, դրա համա՞ր։ Դրանից առաջ էլ էր միջնորդել, բա ինչո՞ւ չեղավ զինադադար»,-հարցադրումներ արեց Շիրակ Թորոսյանը։
Լուիզա ՍՈՒՔԻԱՍՅԱՆ
