Գորիսի համայնքի ղեկավար Առուշ Առուշանյանի նախաձեռնող խումբը ամփոփեց կալանավորված համայնքապետին ազատ արձակելու պահանջով սկսված ստորագրահավաքը։ Միայն 9380 գորիսեցիների կողմից ստորագրված դիմումը սահմանված կարգով կներկայացնեն ՀՀ գլխավոր դատախազին։
Ըստ նախաձեռնող խմբի՝ 2021 թվականի հունիսի 20-ին ԱԺ ընտրություններին Գորիս խոշորացված համայնքում գրանցված 23580 ընտրողից ընտրություններին մասնակցել էր 13466 քաղաքացի, որը ներառում է նաև Գորիս համայնքում զինվորական ծառայություն անցնող (ոչ գորիսեցի) ընտրողներին։
Սա նշանակում է, որ Գորիս խոշորացված համայնքում ընտրության մասնակցած քաղաքացիների թվի մոտ 70%-ը դիմել է ՀՀ գլխավոր դատախազին՝ համայնքապետ Առուշ Առուշանյանի նկատմամբ կալանքը անհապաղ վերացնելու մասին որոշում կայացնելու պահանջով՝ ՀՀ Սահմանադրությամբ ամրագրված նորմերի և ՀՀ քրեական դատավարության օրենսգրքի 142-րդ հոդվածի 1-ին մասի 3-րդ կետով սահմանված լիազորությունների համաձայն։ Բացի այս դիմումից, հանրապետության մտավորականները, արվեստի գործիչները, անվանի մանկավարժներ, բժիշկներ եւս առանձին խնդրագրով դիմել են դատախազին
Ի դեպ, Առուշ Առուշանյանի պաշտպան Էրիկ Ալեքսանյանը ֆեյսբուքի իր էջով տեղեկացրել է, որ Առուշանյանին «ՀՀ քրեական օրենսգրքի երեք հոդվածներով առաջադրված մեղադրանքից հանվել է մեկ հոդված։
Կարդացեք նաև
Արմեն ԴԱՎԹՅԱՆ
