Այսօր դատարանը որոշել է Ռոբերտ Քոչարյանի եւ Արմեն Գեւորգյանի գործով նիստերի շարունակականությունն ապահովելու համար հաջորդ դատական նիստին բերման ենթարկել Արմեն Գեւորգյանին, քանի որ արդեն երկրորդ անգամ վերջինս նիստերին չի մասնակցում: Այսօր խորհրդարանում լրագրողների հետ զրույցում, Արմեն Գեւորգյանն ասաց, որ կարծում է`իր պաշտպանը դատարանին պատշաճ իրազեկել է իր բացակայության մասին: Անցած շաբաթ բացակայությունը համարվել է հարգելի, սակայն այս շաբաթ այլ որոշում է կայացվել։
«8-րդ գումարման ԱԺ-ի անդրանիկ նիստն է ընթանում, որոշվում է հանձնաժողովների ղեկավարների հարցը, սակայն դատարանն այդ նիստին ներկա գտնվելու պատճառով դատական նիստին չներկայանալը համարում է ոչ հարգելի»,- տարակուսանք հայտնեց նա`հավելելով, որ իրեն բերման ենթարկելու կարիք չի լինի, եթե դատարանի համար կարեւոր է մասնակցությունը, ապա ինքը կմասնակցի հաջորդ նիստին։
Ամեն Գեւորգյանը դատարանի որոշումը չմեկնաբանեց, ասաց, որ չի ուզում ենթատեքստ փնտրել դրա տակ։
Մանրամասները`տեսանյութում
Կարդացեք նաև
Նելլի ԳՐԻԳՈՐՅԱՆ
