«Ուզում եմ իշխանության ներկայացուցիչները մեկ րոպե պատկերացնեն թշնամական մամուլում վաղն առավոտվա վերնագրերը՝ ՀՀ ԱԺ-ում ստեղծվեց Արցախի հարցերով մշտական հանձնաժողով»,-ԱԺ լիագումար նիստում այսօր հայտարարեց «Պատիվ ունեմ» դաշինքի պատգամավոր Հայկ Մամիջանյանը։
Հիշեցնենք, որ ընդդիմությունն առաջարկում է ԱԺ-ում Արցախի հարցերով մշտական հանձնաժողով ստեղծել, իսկ իշխանական պատգամավորները վերապահումներ ունեն։ «Վստահ եմ, որ այս դահլիճում նստած ցանկացած ազգընտիր պատգամավոր ուզում է լսել թշնամու վայնասունն այդ հարցում։ Ուզում ենք աշխարհին ուղերձ տալ, որ մեր երկրի օրենսդիր մարմինը բարձր կարեւորություն է տալիս Արցախի հիմնախնդրին եւ ստեղծում է հանձնաժողով»,-նշեց Հայկ Մամիջանյանը։
Նա ակնարկեց՝ չի ուզում ասել այն արձագանքը միջազգային հանրության, որը կտարածվի հանձնաժողովի չստեղծման դեպքում․ «Այս հանձնաժողովի ստեղծումը աշխարհի համար վերահաստատելու է, որ ՀՀ-ն Արցախի կողքին է, ինչը վերջին շրջանում կրում էր կրավորականության կեցվածք»։
«Հայաստան» դաշինքից Արծվիկ Մինասյանը շեշտեց՝ ցավալի է, որ իշխանական խմբակցությունից քիչ թվով պատգամավորներ են ներկա հարցի քննարկմանը, մինչդեռ յուրաքանչյուրը պետք է դիրքորոշում արտահայտեր։
Կարդացեք նաև
Լուիզա ՍՈՒՔԻԱՍՅԱՆ
