«Ազատություն». Պաշտոնական Մոսկվան բազմիցս հայտարարել է, որ Լեռնային Ղարաբաղի հակամարտության գոտում հետպատերազմյան կարգավորումը պետք է հիմնված լինի եռակողմ հայտարարությունների վրա, որ ստորագրել էին Ռուսաստանի, Հայաստանի և Ադրբեջանի ղեկավարները։
Ռուսաստանի արտաքին գործերի նախարարության պաշտոնական կայքում տեղադրվել է ՄԱԿ-ի Գլխավոր ասամբլեայի 76-րդ նստաշրջանում Ռուսաստանի դիրքորոշմանը վերաբերող փաստաթուղթ։
«Լեռնային Ղարաբաղի հակամարտության գոտում իրադրության նորմալացմանն ուղղված ջանքերի շրջանակներում առաջնահերթությունը 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների իրականացումն է: Օգտակար ենք համարում ռուսական խաղաղապահ գործողության անցկացման գոտում ՄԱԿ-ի գործակալությունների և, մասնավորապես, ՄԱԿ-ի Փախստականների գործերի գերագույն հանձնակատարի (ՓԳՀ) վարչության ներգրավումը մարդասիրական գործունեությանը: Նրանց հնարավոր աշխատանքի պարամետրերը պետք է համաձայնեցվեն Բաքվի և Երևանի հետ», – ասված է փաստաթղթում։
Օրեր առաջ ԵԱՀԿ Մինսկի խմբի Ռուսաստանի ներկայացուցիչը ստորագրել էր Մինսկի խմբի համանախագահների հերթական հայտարարության տակ, որում հերթական անգամ նշված է, որ անհրաժեշտ է վերսկսել բանակցային գործընթացը Մինսկի խմբի հովանո ներքո։ ՄԱԿ-ի Գլխավոր ասամբլեայի 76-րդ նստաշրջանին ուղղված այս հայտարարությունում, սակայն, բանակցությունների մասին խոսք չկա։
Կարդացեք նաև
Նյութն ամբողջությամբ՝ սկզբնաղբյուր կայքում:
