Ի պատասխան Ազգային անվտանգության ծառայության (ԱԱԾ)՝ եզդի իրավապաշտպան Սաշիկ Սուլթանյանի դեմ հարուցված քրեական գործի և մեղադրական եզրակացության, ինչպես նաև Ազգային ժողովի՝ վերջերս հաստատված օրինագծի, ըստ որի քրեականացվում է պետական պաշտոնյաների և այլ գործիչների վերաբերյալ քննադատությունը, Freedom House իրավապաշտպան կազմակերպությունը հայտարարություն է տարածել:
«Վերջին զարգացումները ցույց են տալիս, որ վերջին տարիներին ժողովրդավարության և իրավունքների ձեռքբերումները վտանգված են: Եզդի իրավապաշտպանի նկատմամբ անհիմն քաղաքական հետապնդումը մտահոգիչ է ոչ միայն Հայաստանում փոքրամասնությունների նկատմամբ վերաբերմունքի, այլ նաև քննադատություններին կառավարության արձագանքի տեսանկյունից»,- ասել է Freedom House-ի եվրոպական և եվրասիական ծրագրերի տնօրեն Մարկ Բեհրենդետը:
«Լուրջ վիրավորանքը» և այլ տեսակի քննադատությունները քրեականացնող օրենսդրության ներդրումը, հատկապես՝ ուղղված պետական պաշտոնյաներին, խեղդում է խոսքի և քաղաքական ընդդիմության ազատությունը: Մենք կոչ ենք անում Հայաստանի իշխանություններին, Ազգային անվտանգության ծառայությանը և գլխավոր դատախազությանը անհապաղ հրաժարվել Սաշիկ Սուլթանյանին առաջադրված մեղադրանքից և վերացնել հակասահմանադրական օրենսդրությունը, որը խոչընդոտում է խոսքի ազատությանը»,- ասել է նա:
Պատրաստեց Ամի ՉԻՉԱԿՅԱՆԸ
