ԱԺ լիագումար նիստում այսօր «Քաղաքացիական պայմանագրի» պատգամավոր Վահագն Ալեքսանյանը «Հայաստան դաշինք» խմբակցության ղեկավար, պաշտպանության նախկին նախարար Սեյրան Օհանյանին դիմելով` ասաց, որ ծառայել է 2014-16թթ․, իսկ 2015թ․ տեղի է ունեցել սահմանադրական փոփոխությունների հանրաքվեն։
Ալեքսանյանի խոսքով՝ իրենց զորամասում մի բարձրաստիճան սպա կանգնել է քվեախցիկի հետեւում ու ստուգել, որ զինվորներն «այո» քվեարկեն․ «Սահմանային հերթափոխից իջած զինվորներից մեկը, որը հանրաքվեին «ոչ» էր քվեարկել, դիրքեր էր բարձրացել արյունլվա երեսով։ Դուք անձա՞մբ եք նման կերպ պատժելու հրաման տվել՝ ձեր քաղաքական թիմին օգտին քվեարկելու համար, թե տեղյակ չեք եղել»։
Սեյրան Օհանյանը պատասխանեց, որ ԶՈՒ-ում քաղաքական չեզոքության ապահովման տեսանկյունից միշտ աշխատանք արվել է, բայց դա չի նշանակում, թե սխալներ չեն եղել։ «Նման ցուցում չէր կարող լինել, այն էլ անհատ զինվորի հանդեպ։ Գերատեսչության ղեկավարը չի կարող պատասխանատու լինել ցածր օղակների գործիչների համար։ Իսկ ինչո՞ւ այդ ժամանակ չեք բարձրաձայնել այդ մասին»։
Կարդացեք նաև
Լուիզա ՍՈՒՔԻԱՍՅԱՆ
