Գորիսի համայնքի ղեկավար, «Հայաստան» դաշինքի պատգամավորի թեկնածու Առուշ Առուշանյանի կալանավորման վերաքննիչ բողոքը քննող դատավոր Մնացական Հարությունյանը օգոստոսի 3-ի նիստում մերժեց ինքնաբացարկի միջնորդությունը։
Միաժամանակ դատավոր Մնացական Հարությունյանը կեսօրից հետո հրավիրված նիստում քննեց Առուշ Առուշանյանի խափանման միջոցը՝ կալանքը փոխելու հարցը։ Այս պահին դատարանը խորհրդակցական սենյակում է, իսկ դատարանի որոշումը կհրապարակվի օգոստոսի 5-ին՝ ժամը 12։30-ին։
Նշենք, որ նիստին Առուշանյանի պաշտպանական կողմը չէր մասնակցում, քանի որ նախապես հայտարարել էին, որ ձեւականությունների չեն մասնակցի։ Պաշտպանական կողմը դժգոհել է Մնացական Հարությունյանին գործի քննությունը մակագրելու փաստից, քանի որ այն արվել է ձեռքով ու չի պահպանվել այբբենական կարգը։
Հիշեցնենք, որ Գորիսի համայնքապետ Առուշ Առուշանյանին մեղադրանք է առաջադրվել ՀՀ «Քրեական օրենսգրքի» 35-154.2-րդ հոդվածի 4-րդ մասի 2-րդ, կետերով՝ ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը երկու եւ ավելի անձի նկատմամբ 38-149-րդ հոդվածի 2-րդ մասի 4-րդ կետով (Ընտրական իրավունքի իրականացմանը, ընտրական հանձնաժողովների աշխատանքներին կամ ընտրությանը մասնակցող անձանց լիազորությունների իրականացմանը խոչընդոտելը, որը կատարվել է պաշտոնեական դիրքն օգտագործելով) եւ 38-154.2-րդ հոդվածի 3-րդ մասով (Ընտրողին թեկնածուներից, կուսակցություններից (կուսակցությունների դաշինքներից), հանրաքվեի քարոզչական նախաձեռնություններից որեւէ մեկի օգտին կողմ կամ դեմ քվեարկելուն, ընտրություններին մասնակցելուն կամ ընտրություններին մասնակցելուց հրաժարվելուն կամ մեկից ավելի անգամ քվեարկելուն կամ այլ անձի փոխարեն քվեարկելուն հարկադրելը, որը կատարվել է գույքին վնաս պատճառելով կամ գույքին վնաս պատճառելու սպառնալիքով, ծառայողական կամ այլ կախվածությունն օգտագործելով, բռնությամբ կամ բռնություն գործադրելու սպառնալիքով)`:
Կարդացեք նաև
Արմեն ԴԱՎԹՅԱՆ
