Հայաստանի ազգային օլիմպիական հավաքականի անդամ, մինչեւ 109 կգ քաշային ծանրորդ Սիմոն Մարտիրոսյանը Տոկիոյում ընթացող ամառային 32-րդ օլիմպիական խաղերում այսօր Հայաստանի հաշվարկին երկրորդ արծաթե մեդալը բերեց:
Հայ դյուցազունը պոկում վարժությունում 195 կգ-ով չունեցավ հավասարը՝ միեւնույն ժամանակ սահմանելով օլիմպիական նոր ռեկորդ: Սակայն օլիմպիական խաղերում մեդալ խաղարկվում է միայն երկամարտում: Հրում վարժությունում առաջին մոտեցմամբ 228 կգ-ն գլխավերևում պահելուց հետո նա երկու անգամ չկարողացավ սանձել 238 կգ ծանրաձողը եւ զբաղեցրեց 2-րդ հորիզոնականը: Սա Սիմոն Մարտիրոսյանի երկրորդ արծաթե մեդալն է օլիմպիական խաղերում:
Աշոտ ՀԱԿՈԲՅԱՆ
