ՍԴ աշխատակազմի նախկին ղեկավար, նախկին մարզպետ, դեսպան Էդգար Ղազարյանը հետաքրքիր զուգահեռներ է անցկացրել Հայաստանի սահմաններում ու մարզերում խնդիրների առկայության եւ դրանց հետ առնչված մարզպետների ու նրանց շրջապատի առաջխաղացումների միջեւ: «Այս պահի դրությամբ հայ-ադրբեջանական սահմանին տարածքներ կորցնելու տեսանկյունից պրոբլեմատիկ են Տավուշը, Գեղարքունիքը, Արարատը, Վայոց Ձորը եւ Սյունիքը: Այսինքն, Արցախը թշնամուն հանձնելուց հետո թիրախում հայտնվել են այս հինգ մարզերը: Ծրագիրը ավարտին հասցնելու հարցում պետք են աջակիցներ, որոնք պետք է խրախուսվեն: Հիմա տեսնենք:
Տավուշի մարզում մարզպետ է նշանակված վարչապետի քավորը, որի եղբայրը Ազգային Ժողովի պատգամավոր է:
Գեղարքունիքի մարզ, որտեղ ունեցել ենք գերեվարված եւ սպանված զինվորներ, թշնամու՝ 3 կմ առաջխաղացում: Այստեղ Գեղարքունիքի մարզպետը ունեցավ ծառայողական առաջընթաց եւ նշանակվեց Տարածքային կառավարման եւ ենթակառուցվածքների նախարար:
Արարատի մարզ: Երասխավանում մինչեւ հիմա սահմանային վեճեր են՝ կրակոցներ, մարտական գործողություններ, ու դեռ պարզ չէ, թե ինչեր կլինեն: Արարատի մարզպետի տղան պարգեւատրվեց Ազգային ժողովի պատգամավորի մանդատով:
Կարդացեք նաև
Վայոց Ձորի մարզ, որտեղ էլի սահմանային խնդիրներ գոյություն ունեն ու նորից պարզ չէ, թե ինչ է լինելու: Վայոց Ձորի նախկին մարզպետը, որը մեր բանակի դեմ սկանդալի հեղինակն էր դեռ շատ վաղուց, պաշտոնազրկվելուց հետո նշանակվել էր «Քաղաքացիական պայմանագիր» կուսակցության աշխատակազմի ղեկավար, հիմա էլ դարձավ պատգամավոր, իր փաստաբանը՝ մարզպետ, եղբայրը՝ մարզպետի տեղակալ:
Սյունիքի մարզ, որտեղ կա Սեւ Լիճ, թշնամու առաջխաղացում, զորքերի կուտակում եւ այլն: Այստեղի մարզպետն էլ խրախուսվել է որդու ազատությամբ:
Այսինքն, որտեղ մենք դեռ ունենք հայրենիքը կործանելու պրոբլեմային խնդիրներ, այնտեղի թիմակիցները ունենում են խրախուսանք, պարգեւատրում եւ այլն, ինչը այս ամեն ինչի հետ միասին դժվար է բացառություն անվանել»,-«Հայելի» ակումբում նկատեց Էդգար Ղազարյանը:
Աշոտ ՀԱԿՈԲՅԱՆ
