ԱԺ նիստում այսօր «Քաղաքացիական պայմանագրի» պատգամավոր Արուսյակ Ջուլհակյանը նկատի ունենալով, որ «Պատիվ ունեմ»-ից Աննա Մկրտչյանն ԱԺ նախագահի տեղակալի պաշտոնում իշխանական խմբակցությունից առաջադրված թեկնածու Ռուբեն Ռուբինյանին «թուրքի գործակալ» անվանեց, Ռուբինյանի ուշադրությունը հրավիրեց այն հանգամանքի վրա, որ ՀՀ շատ քաղաքացիներ Թուրքիա են մեկնում՝ իրենց պատմական հայրենիքից կարոտն առնելու համար․ «Ռիսկ կա՞, որ նրանք էլ կարող են հավաքագրված լինել որպես գործակալ։ Հիշեցի, որ 2017թ․-ի սեպտեմբերին ՀՀԿ փոխնախագահ Արմեն Աշոտյանը Բաքվում էր՝ Եվրանեսթի ԽՎ-ի շրջանակում։ Այստեղ հնարավո՞ր է ռիսկ, որ Արմեն Աշոտյանն, անկախ իր կամքից, հավաքագրվել է որպես Բաքվի գործակալ»։
Ռուբեն Ռուբինյանը նախ նկատեց՝ եթե Աննա Մկրտչյանի՝ իրեն «թուրքի գործակալ» անվանելուց հետո ինքը «բռներ» Ջուլհակյանի հարցի առիթն ու Աշոտյանին նույն որակումը տար, կստացվեր աբսուրդային ժամավաճառություն․ «Տիկին Մկրտչյանը նոր պատգամավոր է, առաջարկում եմ ներողամիտ լինել, եւ ամեն ինչ լավ կլինի»։
Լուիզա ՍՈՒՔԻԱՍՅԱՆ
Կարդացեք նաև
Լուսանկարում՝ Արմեն Աշոտյանը եւ Մանե Թանդիլյանը Բաքվում
