Հավասարության և մարդու իրավունքների հանձնաժողովը բրիտանացի գործատուներին հորդորել է զգույշ լինել չպատվաստված աշխատակիցների համար ընդհանուր արգելքներ ընդունելիս՝ չնայած «չկա պատվաստում, չկա աշխատանք» քաղաքականության վերաբերյալ բանավեճերի աճող թվին ոչ միայն Միացյալ Թագավորությունում, այլև ամբողջ աշխարհում: Գրում է Politico-ն:
«Գործատուները ճիշտ են, որ ցանկանում են պաշտպանել իրենց աշխատակիցներին և հաճախորդներին, մասնավորապես՝ այն դեպքերում, երբ մարդիկ ռիսկի գոտում են, ինչպես ասենք՝ խնամքի տները: Այնուամենայնիվ, պահանջները պետք է լինեն համաչափ՝ առանց խտրականության և դրույթ ապահովեն նրանց համար, ովքեր բժշկական պատճառներով չեն կարող պատվաստվել»,- ասել է հանձնաժողովի խոսնակը:
Հանձնաժողովի հայտարարությունը հետևել է խոշոր կորպորացիաների, ինչպիսիք են Ֆեյսբուքը և Գուգլը, հայտարարություններին, թե Միացյալ Նահանգներում նրանք կսահմանափակեն ոչ պատվաստված աշխատակիցների մուտքը գրասենյակ: Իսկ բրիտանական կառավարության նախարարներն էլ ասել են, թե ավելի լավ է մինչև գրասենյակներ վերադառնալը աշխատակիցները կրկնակի պատվաստված լինեն, բայց նրանք այդ մասին օրենք չեն ընդունի:
Պատրաստեց Ամի ՉԻՉԱԿՅԱՆԸ
