Մինչեւ 75 կգ քաշային բռնցքամարտիկ Արման Դարչինյանը չհաղթահարեց Տոկիոյի ամառային 32-րդ օլիմպիական խաղերի քառորդ եզրափակչի արգելքը:
Վանաձորցի մարզիկի եւ ֆիլիպինցի Էումիր Մարսիալի մենամարտն ավարտվեց ժամանակից շուտ այն բանից հետո, երբ հարվածաշարերի փոխանակման ժամանակ մրցակցի աջ կողային դիպուկ հարվածը ավելի շուտ «գտավ» Դարչինյանի ծնոտը ու վերջինս հայտնվեց նոկաուտում: Ընդորում, դրանից առաջ էլ ռինգի մրցավարը հասցրել էր նոկդաուն գրանցել մեր բռնցքամարտիկին:
Այսպիսով, Տոկիո 2020-ում Հայաստանի երեք բռնցքամարտիկներից ռինգում մնաց միայն 63 կգ քաշային Հովհաննես Բաչկովը:
Աշոտ ՀԱԿՈԲՅԱՆ
