Գյումրիում ոստիկանները դպրոցի տնօրենի ավտոմեքենայից զենք են հայտնաբերել․ տնօրենի պարզաբանումը

Aravot.am-ի տեղեկություններով, ոստիկանության Կումայրի բաժնի աշխատակիցները երեկ զենք են հայտնաբերել Գյումրու թիվ 27 դպրոցի տնօրեն Կարեն Գալստյանին պատկանող «Հոնդա» մակնիշի մեքենայում։

Մեզ հասած տվյալներով, ՀՀ ոստիկանության Շիրակի մարզային վարչության կողմից կազմակերպված ուժեղացված ծառայության ընթացքում Կումայրիի բաժնի աշխատակիցները նույն օրը ժամը 18.50-ին բերման են ենթարկել դպրոցի տնօրենին՝ ապօրինի հրազեն ձեռք բերելու և պահելու կասկածանքով։

Նրա մեքենայի բեռնախցից հայտնաբերվել ու վերցվել է 1 հատ «Վալտեր սուպեր իքս» տիպի 18 P-014 գործարանային համարի հրացան, իսկ ա/մ-ի սրահի հետև նստատեղից՝ 12 մմ տ/չ 7 փամփուշտ։

Կարեն Գալստյանը հայտարարել է, որ հայտնաբերվածը ողորկափող հրացան է, այն պատկանում է ընկերոջը, որն ունի բոլոր օրինական փաստաթղթերը: Նշանակվել է դատաձգաբանական փորձաքննություն: Ոստիկանությունում Կ.Գալստյանից բացատրություն են վերցրել և նրան բաց թողել։

Կարդացեք նաև

Սյունիքի մարզպետի խորհրդականը բողոքավորներին հանդիպել է կոմբինատի տարածքից դուրս․ ցույցի կազմակերպիչը նույնիսկ հերքում է իր մասնակցությունը

• 15:15 18.02.2022

«Դուրս կգանք փողոց այնքան, մինչև հրաժարական տաս»․ ըմբոստության ցույց՝ Գյումրու կենտրոնական փողոցներում

• 14:15 14.12.2020

«Նոր Հայաստանի» հանրահավաքը Բուժականում չկայացավ

• 15:15 05.11.2015

Նախապատրաստվում են նյութեր:

Կարեն Գալստյանն Aravot.am-ի հետ զրույցում ասաց, որ զենքն իր ընկերոջն է, որը ներկայացել է ոստիկանություն՝ բացատրություն է տվել ու ներկայացրել է բոլոր փաստաթղթերը։

Տնօրենը նաև ասաց, որ այն հրազեն չէ, որսորդական հրացան է, ընդ որում չաշխատող՝ ենթակա էր նորոգման։ Ի դեպ, Կարեն Գալստյանը 44- օրյա պատերազմի ակտիվ մասնակիցներից է, նա որպես կամավորական մեկնել է մարտի դաշտ՝ գրեթե ողջ ընթացքում՝ 41 օր շարունակ թեժ մարտեր մղելով Եղնիկներ կոչվող հատվածում։ Նա դաշնակցական է։

Նունե ԱՐԵՎՇԱՏՅԱՆ