Ռուսաստանի Դաշնության արտաքին գործերի նախարարության տեղեկատվության և մամուլի վարչության տնօրենի տեղակալ Ալեքսանդր Բիկանտովը հայտարարություն է տարածել։
«Լրջորեն մտահոգված ենք հայ-ադրբեջանական սահմանի որոշ հատվածներում զինված միջադեպերի վերաբերյալ, որոնք մարդկային զոհերի պատճառ են դարձել։ Ցավակցում ենք զոհվածների ընտանիքներին և ցանկանում, որ տուժածները և վիրավորները շուտ ապաքինվեն։ Ցավոք սրտի, իրավիճակը սահմանին շարունակում է լարված մնալ։ Կոչ ենք անում կողմերին ձեռնպահ մնալ իրավիճակը վատթարացնող ցանկացած գործողությունից, և բոլոր խնդիրները լուծել քաղաքական և դիվանագիտական միջոցներով»,- ասել է նա։
Ալեքսանդր Բիկանտովը հավելել է, որ Ռուսաստանը պատրաստ է շարունակել օժանդակությունը հայ-ադրբեջանական սահմանում իրավիճակի կարգավորման ուղղությամբ։
Պատրաստեց Ամի ՉԻՉԱԿՅԱՆԸ
