ՀԱՊԿ-ը մտահոգված է հայ-ադրբեջանական սահմանին լարվածության հետագա սրման վտանգներով և կոչ է անում կողմերին հակասությունները հարթելու համար դիմել դիվանագիտական մեթոդների: Այս մասին հայտարարել է ՀԱՊԿ գլխավոր քարտուղար Ստանիսլավ Զասը:
«Լուրջ մտահոգություն է առաջացնում տարածաշրջանում լարվածության հետագա սրման վտանգը, ինչը կարող է բացասաբար անդրադառնալ եռակողմ ձևաչափով պայմանավորվածությունների վրա, որոնք ձեռք էին բերվել Ադրբեջանի, Հայաստանի և Ռուսաստանի առաջնորդների 2020թ. նոյեմբերի 10-ի պայմանավորվածություններով»,- ասվում է Զասի հայտարարության մեջ, որը տեղադրված է կազմակերպության կայքում:
Զասի խոսքով՝ ՀԱՊԿ-ն անթույլատրելի է համարում ուժի կիրառումը, իսկ հակասությունների կարգավորման համար պետք է գործի դնել բացառապես քաղաքական-դիվանագիտական մեթոդներ:
«Ողջունում եմ Ռուսաստանի Դաշնության ջանքերը՝ ուղղված տարածաշրջանում իրավիճակի կայունացմանը»,- ասել է Զասը՝ ցավակցություն հայտնելով զոհերի հարազատներին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
