«Մեկ վիրավորի վիճակը ծայրահեղ ծանր է, մեկինը՝ բավարար, մյուսինը՝ միջին ծանրության»,-«Զինուժ մեդիայի» հետ զրույցում ասել է ՀՀ ԶՈՒ ռազմաբժշկական վարչության պետ Սահակ Օհանյանը։ Նրա փոխանցմամբ՝ մեկ զինծառայողներից մեկը դեռեւս վիրահատվում է․ «Մտահոգում է ժամկետային զինծառայող Վաչագան Արտուշի Մարտիրոսյանի վիճակը, որը բժիշկները գնահատում են ծայրահեղ ծանր, որովհետեւ երկու անգամ է վիրավորում ստացել, մեկը՝ ազդրի շրջանում, մյուսը՝ ականանետի պայթյունի հետեւանքով»։
Հիշեցնենք, որ ՊՆ-ի հաղորդմամբ՝ Ադրբեջանն այս գիշեր մարտական գործողություններ է սկսել Սոթքից Վերին Շորժա ուղղությամբ։ Ավելի ուշ ադրբեջանական ստորաբաժանումները հետ են շպրտվել ելման դիրքեր։ ՌԴ խաղաղապահ զորքերի միջնորդությամբ հրադադարի պայմանավորվածություն է ձեռք բերվել։
Լուիզա ՍՈՒՔԻԱՍՅԱՆ
