Հայ-ադրբեջանական սահմանին լարված իրավիճակ է: 3 զոհ եւ 4 վիրավոր ունենք: Մոսկվայում տեղի ունենալիք բանակցություններից առաջ ադրբեջանական զինված ուժերը հարձակում են գործել Սոթքից մինչեւ Վերին Շորժա հատվածում:
Այսօր «Մեդիա կենտրոնում» հրավիրած քննարկմանը Թրանսփարենսի Ինթերնեշնլ հակակոռուպցիոն կենտրոնի իրավական հարցերով փորձագետ Հայկ Մարտիրոսյանն ասաց. «Հայաստանի բախտը բերել է, որ մենք ունենք նման անթաքույց թշնամիներ եւ իրենց օրակարգը հստակ թելադրում են: Այլ է խնդիրը, որ մեր ներքին օրակարգը չի համընկնում նրանց թելադրած օրակարգերի հետ: Ինչքան էլ ծանրաբեռնվածությունը թեքենք միջնորդների, այլ երկրների օժանդակության եւ բալանսն ապահովելու վրա, միեւնույն է, եթե երկիրը ներքին դիմադրողականություն չունի, չեմ կարծում, որ պետք է շեշտադրում կատարենք արտաքին ուժերի վրա: Արտաքին ուժերը պետք է տեսնեն , որ ներսում դիմադրողականություն կա: Թշնամիները հստակ մատնանշում են, որ ձեւավորվելու է թյուրքական բանակ: Հիմա այդ բանակին ինչպես պետք է դիմագրավեն, թող մեր իշխանությունները պատասխանեն իրենց օրակարգով: Չգիտեմ, ինչո՞ւ են մարդիկ սին հույսերով կասկածում այդ ընդհանուր տրամադրվածությանը»:
Հռիփսիմե ՋԵԲԵՋՅԱՆ
Կարդացեք նաև
Լուսանկարը՝ «Մեդիա» կենտրոնի
