Ճապոնիայում ընթացող 32-րդ ամառային օլիմպիական խաղերում այսօր պայքարի մեջ ներգրավվեցին Հայաստանի օլիմպիական հավաքականի բռնցքամարտիկները: Առաջինը ռինգ մտավ Եվրոպայի չեմպիոն Հովհաննես Բաչկովը, որը 1/32 եզրափակչում հանդիպեց Անտիգուան ներկայացնող Ալսթոն Ռյանին:
Գյումրեցի մեր մարզիկը, կարելի է ասել, բռնցքամարտի ուսուցողական դաս տվեց մրցակցին՝ այնքան մեծ էր առավելությունը: Բավական է ասել, որ Բաչկովը առաջին եւ երկրորդ ռաունդներում նոկդաունի ենթարկեց անտիգուացուն, իսկ երրորդում ռինգի մրցավարը վտանգավոր գործողությունների համար նկատողություն հայտարարեց Ռյանին:
Հուլիսի 31-ին 1/16 եզրափակչում Հովհաննես Բաչկովը կմենամարտի Ադրբեջանը ներկայացնող Ջավիդ Չալաբիեւի հետ:
Աշոտ ՀԱԿՈԲՅԱՆ
Կարդացեք նաև
