«Ֆրանսիայի նախագահ Մակրոնի այցելությունը պետք է օգտագործենք ու անպայման ստորագրենք ռազմաքաղաքական համագործակցության փաստաթուղթ: Սկսենք կառուցել այլընտրանքային անվտանգություն: Պետք է ԱՄՆ-ի հետ ավելի սերտ համագործակցություն՝ նաեւ ռազմատեխնիկական ոլորտում»,- այսօր «Մեդիա կենտրոնում» «Անվտանգային նոր համակարգերի հնարավորություն՝ Հայաստանի համար. որքանո՞վ է իրատեսական» թեմայով քննարկման ժամանակ ասաց Գլոբալիզացիայի եւ տարածաշրջանային համագործակցության վերլուծական կենտրոնի նախագահ Ստեփան Գրիգորյանը:
Նա նշեց, որ այսօր բանակի բարեփոխումները պետք է անել ոչ թե ՌԴ-ի, այլ՝ ՆԱՏՕ-ի, Եվրոպայի հետ. «Ադրբեջանի շահը Հարավային Կովկասում առաջ է տանում Ռուսաստանը. «ՌԴ-ն մեզանից պահանջում է դեմարկացիա անել, ՌԴ-ն մեզանից պահանջում է այսպես կոչված Զանգեզուրի միջանցքը բացել: Այդ պահանջներն ի վերջո Ադրբեջանի օրակարգն են»:
Ստեփան Գրիգորյանը մատնանշեց մեր երկրի համար մեկ ուրիշ վտանգ եւս. «Բացի անվտանգային վակուումից, մենք ուրիշ վտանգի մեջ ենք: Մենք ունենք 5-րդ շարասյուն երկրում: Երբ որ պետք է Մոսկվային, որ այստեղ լարվածություն լինի, նրանք աշխատում են այդ ուղղությամբ, այդ խմբերը, կուսակցությունները, կիսակուսակցությունները: Ուրեմն պետք է լյուստրացիա եւ վեթինգ անցկացնես, եթե չմաքրես համակարգը, քեզ կպայթեցնեն ներսից»:
Կարդացեք նաև
Հռիփսիմե ՋԵԲԵՋՅԱՆ
ջարդեք փշրեք, Նատօ եմ ուզում մամա ջան.