«Բարի գալուստ Սադամ Հուսեյնի Իրաք։ Մոտավորապես այս ճանապարհն ենք բռնել։ Իմ տպավորությամբ այս իշխանության ցանկությունը հենց դա է եւ ժողովրդավարության բաստիոնը դարձնում է ժողովրդավարության գերեզմանոց»,-Հայաստանի այսօրվա իրավիճակն այսպես բնութագրեց ՀՀ 2-րդ նախագահ, արտահերթ ընտրություններին մասնակցած «Հայաստան» դաշինքի վարչապետի թեկնածու Ռոբերտ Քոչարյանը։ Նա այս համատեքստում նշեց Սյունիքի համայնքապետերի ձերբակալությունները, «Հայաստան» դաշինքի նախընտրական ցուցակում ընդգրկված Արմեն Չարչյանի ձերբակալությունը,որն այսօր գրավի դիմաց ազատ արձակվեց։
Ռոբերտ Քոչարյանը երեք լրատվամիջոցներին տված հարցազրույցում ասաց, որ համայնքապետերի ձերբակալություններն արվում են նաեւ սպասվելիք ՏԻՄ ընտրությունների համար․«Մեսիջ է՝ ձեզ խելոք պահեք, եթե խելոք չպահեք, յուրաքանչյուրիդ հետ կարող է պատահել նույնը»։
Նելլի ԲԱԲԱՅԱՆ
