Ադրբեջանի արտգործնախարարության մամուլի խոսնակ Լեյլա Աբդուլլաևան, մեկնաբանելով Հայաստանի ԱԳՆ հուլիսի 19-ի հայտարարությունը, այն որակել է անհեթեթություն:
Աբդուլլաևան նշել է, որ Հայաստանը ելնում է իր «պատմական երևակայություններից» և մինչ օրս տարածքային հավակնություններ է առաջ քաշում իր հարևան պետությունների նկատմամբ, ինչը միանգամայն «ոչ խոհեմ քաղաքականություն է տարածաշրջանի ամենափոքր և ամենաթույլ պետության կողմից»:
«Եվս մեկ անգամ հիշեցնում ենք հայկական կողմին, որ Բաքվում, Սումգայիթում, Գյանջայում և Ադրբեջանի այլ քաղաքներում մինչ այժմ ապրում են հազարավոր հայրեր: Եթե Հայաստանն առաջ չքաշեր տարածքային հավակնություններ Ադրբեջանի նկատմամբ և նրա դեմ ագրեսիվ քաղաքականություն չվարարեր, այդ թիվն ավելի բարձր կլիներ»,- ասել է Աբդուլլաևան:
Աբդուլլաևան նաև անդրադարձել է Բաքվում «Ռազմավարի պուրակին»՝ նշելով, որ այն «ագրեսորի դեմ արդարության և օրենքի հաղթանակի խորհրդանիշն է»: Նրա խոսքով՝ Հայաստանն ինքն էլ տեղադրել է «բազմաթիվ ահաբեկիչների և ռազմական հանցագործների հուշարձաններ»:
Կարդացեք նաև
«Որպես եզրակացություն՝ ցանկանում ենք ընդգծել, որ տարածաշրջանում խաղաղության և անվտանգության ապահովման, երկու երկրների հարաբերությունների կարգավորման համար բազմաթիվ «պատմական բացահայտումների» հեղինակի՝ Հայաստանի համար պետք չէ որևէ բան հնարել: Դրան կարելի է հասնել պարզապես հետևելով միջազգային նորմերին և սկզբունքներին»,- ասել է Աբդուլլաևան:
Պատրաստեց Վիկտորյա ԱՆԴՐԵԱՍՅԱՆԸ
