«ՄԻԵԴ-ը ընտրությունների հետ կապված վեճերը չի քննում, ՄԻԵԴ քննարկման տիրույթից դուրս է նման հարցերի քննարկումը». ՀԺ-ի հետ զրույցում անդրադառնալով «Հայոց հայրենիք» կուսակցության հայտարարությանը, թե ՍԴ որոշումը բողոքարկելու են ՄԻԵԴ-ում՝ այսպիսի կարծիք հայտնեց ԱԺ «Իմ քայլը» խմբակցության պատգամավոր Վահագն Հովակիմյանը:
Ըստ նրա՝ ցանկացած ոք ցանկացած հարցով կարող է դիմել ՄԻԵԴ, բայց դա չի նշանակում, որ ՄԻԵԴ-ը վարույթ է ընդունելու եւ քննի:
«2002 թվականից մենք ՄԻԵԴ դիմելու հնարավորություն ունենք, բազմաթիվ անգամ եղել է, որ ընդդիմությունը ընտրություններից հետո ՍԴ որոշումը բողոքարկի ՄԻԵԴ-ում, բայց երբեք վարույթ չի ընդունվել: ՄԻԵԴ-ն ունի չափանիշներ: Մարդու իրավունքների համընդհանուր կոնվենցիայով նման վեճերը այդ դատարանի վարույթից դուրս են՝ հաշվի առնելով, որ այն իր մեջ պարունակում է պետության ինքիշխանության էլեմենտներ»,- մանրամասնեց Հովակիմյանը:
Սյուզաննա ՊՈՂՈՍՅԱՆ
Հոդվածն ամբողջությամբ՝ «Հայկական ժամանակ» օրաթերթի այսօրվա համարում:
