Հայաստանն է պատասխանատվություն կրում լարվածության էսկալացիայի համար: Այս մասին հայտարարել է Ադրբեջանի պաշտպանության նախարար Զաքիր Հասանովը այսօր տեղի ունեցած ծառայողական խորհրդակցության ժամանակ:
Խորհրդակցությանը մասնակցել են պաշտպանության փոխնախարարներ, զորամասերի հրամանատարներ, գլխավոր վարչությունների, նախարարության վարչությունների և ծառայությունների ղեկավարներ:
Հասանովը խորհրդակցության մասնակիցների հիշեցրել է երկրի նախագահ Իլհամ Ալիևի այն խոսքերը, թե պատերազմն անցյալում է, բայց ցանկացած պահի պետք է պատրաստ լինել պատերազմի, ընդգծելով զինված ուժերի անձնակազմի մարտական պատրաստվածության և բարոյահոգեբանական մակարդակի բարձրացման կարևորությունը: Նա հրահանգել է բարձրացնել մարտական հերթապահություն կատարող զինծառայողների զգոնությունը և ընդլայնել ստորաբաժանումների նյութատեխնիկական ապահովման հնարավորությունները:
Վերլուծելով իրենց վերահսկողության տակ անցած տարածքներում, ինչպես նաև հայ-ադրբեջանական սահմանին ստեղծված իրավիճակը՝ Հասանովն ասել է, որ «լարվածության սրման համար պատասխանատվությունը կրում է Հայաստանը»: Ըստ այդմ, նա հրահանգներ է տվել հրամանատարական անձնակազմին՝ կապված «Հայաստանի զինված ուժերի կողմից հնարավոր սադրանքների հետ»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
